తెలుగు రాష్ట్రాల్లో ప్రస్తుతం థియేటర్స్ ని నెట్టుకోస్తున్నవే రీ-రిలీజులు. ఓటీటీ దాడి, కొత్త సినిమాల డిజాస్టర్ పరంపర, పోస్ట్ పోన్ ప్యాకేజీల మధ్య… థియేటర్లకు ఇప్పుడిప్పుడే ఊపిరి పోస్తున్నవి పాత హిట్ మూవీలే! ఎందుకంటే కొత్త సినిమాలు ఏమీ వర్కవుట్ కావటం లేదు.
థగ్ లైఫ్ డిజాస్టర్.. హరి హర వీరమల్లూ మళ్ళీ పోస్ట్ పోన్!
గత వారం వచ్చిన “Thug Life” భారీగా ప్లాప్ ముద్ర వేసుకుంది. ఈ వారం పవన్ కల్యాణ్ మోస్ట్ అవైటెడ్ మూవీ “హరి హర వీరమల్లు” థియేటర్లకు రావాల్సి ఉండగా, మళ్లీ వాయిదా పడింది. దాంతో, థియేటర్లలో పెద్దగా ఏ సినిమా లేదు. కొన్ని చిన్న బడ్జెట్ చిత్రాలు మాత్రమే రిలీజ్ అయ్యాయి.
రీరిలీజ్ సినిమాలే మెయిన్ అట్రాక్షన్!
ఇక పరిస్థితి అలా ఉండటంతో, సినిమా ప్రేమికులూ, ఎగ్జిబిటర్లూ “రీరిలీజ్” సినిమాలకే ఆశలు పెట్టుకున్నారు.
హను రాఘవపూడి దర్శకత్వంలో వచ్చిన 2012 ప్రేమకథా చిత్రం “అందాల రాక్షసి” మళ్లీ థియేటర్లలోకి వచ్చింది. మ్యూజిక్, మెలోడీ లవర్స్ జనరేషన్‌కి కనెక్ట్ కావడంతో, హైదరాబాద్‌లో బాగానే కలెక్షన్లు రాబడుతోంది.
పవన్ కల్యాణ్ అభిమానులు, హరి హర వీరమల్లు వాయిదాపై డిసప్పాయింట్ అయినా, తొలి ప్రేమ” ను మళ్లీ రీరిలీజ్ కోసం ఎదురు చూస్తూ మధుర జ్ఞాపకాల్లో తేలుతున్నారు.
ఇదే సమయంలో రవితేజ ఫ్యాన్స్‌కి మరో ట్రీట్. ఆయన ఆల్‌టైమ్ హిట్ “వెంకీ” మళ్లీ విడుదలైంది. ఇప్పుడు ఇది బాక్సాఫీస్ వద్ద అదృష్టాన్ని పరీక్షించుకుంటోంది.
థియేటర్ సంక్షోభం కొనసాగుతూనే ఉంది… చివరకు కుబేరదే భరోసా!
పాత సినిమాలకే అబ్బురపడుతున్న ప్రేక్షకులను చూసి ఎగ్జిబిటర్లు ఆశగా ఒక్క మాట చెబుతున్నారు –
“ఒకే ఒక్క పెద్ద సినిమా అయినా వచ్చి హిట్ అయితే బిజినెస్ బతికిపోతుంది!”
ఇప్పుడంతా ధనుష్ – నాగార్జున కాంబినేషన్‌లో వచ్చే “కుబేర” మీదే ఫోకస్. జూన్ 21న విడుదలవుతున్న ఈ సినిమానే థియేటర్లకు కొత్త ఊపు ఇవ్వగలదా అనే దానిపై పరిశ్రమ అంతా ఆశగా చూస్తోంది.
సినిమాలే రావాలి – థియేటర్లు నిలబడాలి!
పాత సినిమాలు తిరిగి వచ్చినా, థియేటర్లకు నిండుదనం కొంతవరకే ఇవ్వగలవు. కానీ ఇండస్ట్రీకి కావలసింది, కొత్త కంటెంట్ – స్ట్రాంగ్ కనెక్టవిటీ – బాక్సాఫీస్ స్పార్క్.
మరి “కుబేర” ఆ స్పార్క్ ఇస్తాడా? లేక రీరిలీజ్‌లే తాత్కాలిక ఆనందంగా మిగిలిపోతాయా?
సినిమా ప్రేమికులందరూ ఎదురుచూస్తున్న ప్రశ్న ఇదే!
